Näilä sivuila mie kuttun Sinut tutustuhmaan tähän minun kauhniisheen syntymäseuthuun. Mie tulen aukohmaan Sinun silmiä ja tuntoja monheen suunthaan, tauluila, valokuvila, viteoila ja tarinoila.

 

Lähe völhjyyn ja nauti matkasta, mie opastan Sinua tuntureila ja jänkilä, mettissä ja järvilä. Mie esittelen Sulle monia hämmästyttäviä paikkoja ja seikkoja, ihmettelemmä ja ihhailemma kaikessa rauhassa, pysähymmä, kattelemma ja kuuntelemma. Hoppua emmä piä, että ehimä hoksata kaikki luonnon aartheet.